Tge è ventira u fortuna? Nua chattan ins la ventira? Datti strategias per daventar fortunà e tge èn ils muments da ventira per audituras ed auditurs? Las respostas èn uschè variadas sco las persunas sezzas; rirs d'uffants, tschivliez d'utschels, far tschaiver, esser sulet, far viadis, turnar a chasa, chantar, far sport e.u.v.
La tschertga da la ventira dura dapi millennis, ma ina resposta definitiva ed ina che vala per tuts n'ha l'umanitad anc betg chattà. La Marella sa metta tuttina a la tschertga da ventira, quai cun agid dal filosof Iso Camartin e da Marina Berini, docenta per l'uschenumnà «Schulfach Glück».
Repetiziun dal favrer 2018. Durant la stad preschenta la Marella er quest onn inqual perla radiofonica ord noss archiv.
