«El ha semnà insatge che ha purtà fritg»

Tista Murk che fa ina intervista.
Legenda da maletgs: Tista Murk ha inventà l'emissiun «Viagiond cul microfon». RTR

Ses num è bunamain sco ina marca, ina marca ch'igl ha dà forsa be ina giada: Tista Murk. Naschì dal 1915 a Müstair, mort e sepulì dal 1992 a Trun. Durant il 20avel tschientaner era el senza dubi ina da las persunalitads las pli engaschadas en il mund cultural rumantsch. Saja en il teater popular, tar las bibliotecas, en la litteratura, tar instituziuns culturalas en Val Müstair ubain sco emprim redactur da radio e da televisiun en lingua rumantscha - Tista Murk ha adina fullà via, inizià, entusiasmà e forsa era irrità qua u là.

Ma tgi era quest Tista Murk propi? En occasiun dal 100avel anniversari da Tista Murk barmier sa regordan dus anteriurs redacturs da radio e da televisiun: Paulina Caduff-Vonmoos ed Ernst Denoth. Il discurs cun els dus vegn accumpagnà dad extracts da reportaschas da e sur da Tista Murk.

Redacziun: David Truttmann

Autur/a: RTR/cl