En tschertga dal jau e dal ti

Il Tavulin litterar dals Dis da litteratura a Soloturn. Al Tavulin litterar sa scuntran questa giada Bettina Vital, romanista ed amatura da cudeschs, e Claudia Knapp, dunna da cultura e cuntadina d'ulivas.

Claudia Knapp e Bettina Vital.
Legenda da maletgs: Claudia Knapp e Bettina Vital. RTR, Esther Krättli

En il center da l'emissiun stattan dus cudeschs da dus auturs svizzers che prelegian als Dis da litteratura a Soloturn. Discutà vegn sur da «Schildkrötensoldat» da Melinda Nadj Abonji e «Die sanfte Gleichgültigkeit der Welt» da Peter Stamm.

En il pli nov roman da Stamm entaupa in um casualmain ses alter ego, en ina varianta pli giuvna. El emprova dad influenzar la vita da ses dubel. Pon ins far correcturas en l'atgna vita?

«Schildkrötensoldat» è l'istorgia da Zoltan che vesa il mund auter dapi ch'el è crudà sin il chau. En il sistem autoritar da l'armada sa dosta el cun fantasia cunter l'absurditad dal militar.

Redacziun e moderaziun: Esther Krättli