Era William Shakespeare in Bregagliot?

Tgi ha scrit las ovras dal famus autur englais William Shakespeare? El sez, ina gruppa d'auturs u forsa schizunt in Bergiagliot?

In disegn cun il chau da l'autru englais William Shakespeare
Legenda da maletgs: William Shakespeare. DREAMSTIME

Dapi onns schuschuri en las chaglias: Tgi sa, sch'il grond ed enconuschent William Shakespeare ha propi scrit tut quellas cumedias e tragedias, poesias e sonets ch'èn vegnids publitgads cun ses num? U era quai a la fin insatgi auter? Era l'autur da las ovras da Shakespeare forsa tuttina in Bergiagliot? I dat glieud che pretenda precis quai. Ils dus Bergiagliots Michelangelo Florio e ses fegl Johan sajan stads ils veritabels auturs da Hamlet, Romeo and Juliet etc.


Ensemen cun l'istoricra dal temp medieval Prisca Roth prenda Chatrina Gaudenz la tesa sut la marella. Latiers spetgan in pèr surpraisas: Il 15 e 16avel tschientaner era in temp da partenza e moviment en Bergaglia – in temp da vast orizont. Da quai èn er Silvia Rutigliano e Patrik Giovanoli persvas. Els dus vivan oz en il Grischun dal Sid e s'engaschan cun la gruppa «Florio-Soglio» per la conuschientscha da quel temp e ses umans. (Repetiziun dal avrigl 2016)

Autur/a: Chatrina Gaudenz