Fabio ed il futur – dal caos al funcziunal

Avais Vus gia ponderà ina giada ch'ins pudess duvrar Voss chavels tagliads sco tinta industriala? Avais ina giada fatg patratgs tge materials che nus duvrain en il futur? Essas gia sa dumandads co ins pudess viver sin il planet mars? Da questas dumondas sa fatschenta Fabio Hendry.

Di per di sa fatschenta el cun nies futur.
Legenda da maletgs: Di per di sa fatschenta el cun nies futur. RTR / MAD

Di per di sa fatschenta el cun il futur. El è product designer, inventader e perscrutader. Il Tuatschin è partì avant onns per Londra, viva oz là e va in pau per l'entir mund enturn. Cun sia patria ha el bleras colliaziuns. Chattar la via dal caos al funcziunal è ina sfida permanenta, tegnair ora che bler da quai ch'ins retschertga e producescha na funcziuna betg – in'autra. Fabio Hendry ha dentant chattà sia via en questa sparta – ed el ha success cun sias ponderaziuns.

Laschar ir video «Co Fabio Hendry fa tinta ord chavels»

Co Fabio Hendry fa tinta ord chavels

0:50 min, dals 29.3.2019

Autur/a: Esther Berther