Fans – cura ch’ils sentiments buglian

Els schelan ils pes e suan ils mauns, els sdiavlan e bragian, els sbragian e chantan, e tut quai durant be 90 minutas – ils fans da ballape.

Fotomontascha d'ina plazza da balape ed ils chaus dals protagonists da l'emissiun
Legenda da maletgs: Ballape è dapli che mo in hobbi RTR, Esther Berther / Carla Gartmann

Patrizio Repole è in veritabel fan dal AC Milan e quai dapi prest 30 onns. Sch'el discurra da ses club, di el adina mo «nus». Saja quai en il stadion u a chasa davant la televisiun, il ballape procura per puras emoziuns. Alessio e Pablo Schmed èn frars. Sco il bab èn era els veritabels fans dal FC Bayern München, e quai en buns e main buns temps. Quai saja impurtant – esser qua per il club, era sch'ils giugaders na dettian ina giada betg uschè bain. La Marella è s'inscuntrada cun ina pluna fans da ballape e lascha era declerar il psicolog da sport Robert Buchli, pertge che fans pon insumma sentir talas emoziuns. In inscunter sportiv dal matg 2018.

Autur/a: Esther Berther