Siglir tar il cuntegn

Header

Navigaziun

Legenda: Tadlar il audio Fans – cura ch’ils sentiments buglian. Durada 39:53 minutas.
Or da Marella dals 28.07.2019.
cuntegn

Marella Fans – cura ch’ils sentiments buglian

Els schelan ils pes e suan ils mauns, els sdiavlan e bragian, els sbragian e chantan, e tut quai durant be 90 minutas – ils fans da ballape.

Patrizio Repole è in veritabel fan dal AC Milan e quai dapi prest 30 onns. Sch'el discurra da ses club, di el adina mo «nus». Saja quai en il stadion u a chasa davant la televisiun, il ballape procura per las grondas emoziuns.

Fotografia dal chau dad Patrizio Repole
Legenda: Patrizio Repole Pudair esser cun 80'000 persunas en il stadion San Siro a Milano è in mument magic per Patrizio Repole oriunds da Rabius RTR, Esther Berther
Ballape è emoziuns pur!
Autur: Patrizio RepoleFan dal AC Milan

Alessio e Pablo Schmed èn frars. Sco il bab èn era els veritabels fans dal FC Bayern München, e quai en buns e sco era en main buns temps. Quai saja impurtant – esser qua per il club, era sch’ils giugaders na dettian ina giada betg uschè bain.

Fotografia dad Alessio Schmed
Legenda: Alessio Schmed Alessio Schmed da Trun è sco il bap ed il frar in grond fan dal FC Bayern RTR, Esther Berther
In vair fain è era qua cur che l’equipa ha schlets muments.
Autur: Alessio SchmedFan dal FC Bayern

La Marella è s'inscuntrada cun ina pluna fans da ballape e lascha era declerar il psicolog da sport Robert Buchli, pertge che fans pon insumma sentir talas emoziuns.

Fotografia dal chau dad Arthur Caduff
Legenda: Arthur Caduff Ballape è in sport che porscha communitad RTR, Eshter Berther
Ins vuless esser part dad ina buna istorgia.
Autur: Robert BuchliPsicolog da sport

In inscunter sportiv realisà il matg 2018, che declera daco che in ver fan na mida mai club e pertge che fans èn centrals per mintga club.