Fastizs musicals sefards

La cità Essaouira a Maroc.
Legenda da maletgs: La cità Essaouira a Maroc. Dreamstime

Ad Essaouira, ina cità da Maroc, ha lieu mintg'onn in festival da musica gidieua-araba. Nus essan oz en gir per suns e champognas en l'Africa dal nord, en Spagna ed en Frantscha.

Nus suandain als stgazis musicals dals sefards. Ils sefards quai eran ed èn anc adina quels gidieus che derivan oriundamain da la peninsla iberica. Els èn mitschads durant il temp medieval en direcziun da l'Africa, oravant tut en il Maroc ed en l'Algeria, però era en direcziun dal Balcan e da Macedonia. Els han prendì cun sai lur chanzuns simplas, chantadas en ladino ed adattà ellas cun ir als novs conturns. In mix da musica gidieu-araba è naschida ed ha sa sviluppà.
Durant il 20 avel tschientaner èn blers sefards immigrads en l'Israel u turnads en l'Europa. Qua han els maschadà lur musica tradiziunala cun elements e ritmus occidentals, elements dal jazz e da l'America latina.

Nus udin exempels da questa tradiziun enorm colurada e surprendenta da Judy Frankel, Lili Boniche, Francoise Atlan ed Akim El Sikameya.
Redacziun: Chatrina Gaudenz

Autur/a: RTR/df