Heidi e Jenatsch – «wär hät’s erfunda?»

L'autura Johanna Spyri e l'autur Conrad Ferdinand Meyer han cun lur Heidi e Jenatsch stgaffì, furmà e cementà dus gronds mitus dal Grischun.

Il 1876 ed il 1880 èn cumparids en Germania dus bestsellers che han fatg furora: il «Jürg Jenatsch» da Conrad Ferdinand Meyer e «Heidi's Lehr- und Wanderjahre» da Johanna Spyri. Saja l'istorgia da l'erox ambivalent Jenatsch sco era quella da la matta pura da las muntognas han enfin oz ina grond'influenza sin il maletg e per part era il marketing dal Grischun. Meyer sco era Spyri eran uffants da citad, tuts dus da Turitg, tuts dus da buna chasa, pli u main medem vegls ed amis. La Marella sa metta sin ils fastizs da Spyri e Meyer, lur amicizia, sco era la creaziun e l'eco da lur ovras.

Repetiziun dal november 2013

Autur/a: Guadench Dazzi