Sco buob da 14 onns è Marcin Zielinski arrivà cun sia famiglia a Sedrun. Sin mai pli a revair, uschè han els bandunà lur patria Pologna nua ch'els n'eran betg giavischads. Tar Hildi Maissen a Sedrun ha l'entira famiglia survegnì durant l'emprim onn in dachasa. Cun distanza da passa 30 onns raquinta l'econom oz sur da sia fugia e co el ha passentà l'emprim temp en ina vischnanca nua ch'el na chapiva betg in pled.
Il reverenda Emil Teindel è creschì si a Siebenbürgen en Rumenia. Sia famiglia è vegnida expropriada e silsuenter ha l'entira famiglia vivì 18 onns en sulettamain ina stanza. La situaziun era insupportabla. Il giavisch suenter libertad è ì en vigur il 1977. Cun il status da fugitiv è el arrivà a Samedan, nua ch'el saja sa sentì da chasa davent da l'emprim di.
Redacziun: Esther Berther
