Il luf e nus

«Il luf è in monster e na tutga betg nà qua.» «Il luf munta libertad e natira pura.» Tuts dus èn maletgs che nus ans faschain dal luf. Il luf è per nus ina taila da projecziun. Ma il luf è era real. Uschè real che nus stuain ans adattar.

Il luf ch’è vegnì fotografà d’ina trapla fotografica ils 9-1-2019 en Val Schons.
Legenda da maletgs: Il luf ch’è vegnì fotografà d’ina trapla fotografica ils 9-1-2019 en Val Schons. MAD, Markus Egle

Il luf è gia daditg turnà en il Grischun. Mo pir il davos onn ha el entschet a sa derasar pli e pli fitg. La Marella mussa, co nus vegnin a noss maletgs dal luf, ma era co ina pura ha chattà ina nova passiun cun tegnair chauns da protecziun, co il chantun accumpogna la derasaziun dal luf e co il directur dal Parc Naziunal sa legra da l'emprim triep da lufs, per ch'el sa perscrutar co il luf mida la natira dal parc. En la Marella «Il luf e nus» lascha Casper Nicca udir, tge che la preschientscha dal luf fa cun nus.

Laschar ir video «Il luf è qua»

Il luf è qua

26 min, Cuntrasts dals 26.2.2019

Redacziun: Casper Nicca