Il magliacudeschs va a far bogn

En il magliacudeschs discurra Esther Krättli cun giasts davart cudeschs che dattan en egl.

En il center da l'emissiun stattan dus cudeschs scrits d'in autur e d'ina autura che chaminan bler e che han gugent l'aua. Preschentads vegnan il roman «La pozza del Felice» da Fabio Andina e «Baden und Trinken in den Bergen», in cudesch tematic davart funtaunas mineralas en il Grischun.

L'autur tessinais Fabio Andina ans maina en la Val dal Blegn, nua che l'istorgia da Felice è ambientada. I vegn descrit la vita simpla d'in um vegl che va di per di a far bogn en in puz or en la natira.

En «Baden und Trinken in den Bergen» perscrutescha Karin Fuchs l'istorgia da las funtaunas mineralas en noss chantun. Ella preschenta funtaunas e bogns enconuschents, ma nus giain er en lieus, nua che nus n'avessan mai spetgà ina funtauna cun forzas spezialas.

Redacziun: Esther Krättli