«Il pü important sun ils umauns» – omagi a Marcella Maier

La fin da fanadur è Marcella Maier morta cun 98 onns. Avant trais onns aveva ella laschà participar nus a sia vita plaina e colurada.

Fotografia da Marcella Maier
Legenda da maletgs: Marcella Maier l'onn 2015 a San Murezzan RTR, C. Gaudenz

Dunna Marcella è naschida il december da l'onn 1920. En la Marella faschain nus ina via enavos, turnain en sia uffanza e giain pass per pass tras sia vita. Nus tschertgain il fil cotschen, temas che sa repetan ed in titel per bunamain 100 onns vita en l'Engiadin'Ota.

Marcella Maier raquinta da ses emprim scolast Artur Caflisch. Ella sa regorda co ch'ella ha passentà il temp da guerra. Alura fa dunna Marcella in pèr ponderaziuns sur dal esser dunna e mamma ils onns 50 e 60 en l'Engiadin'Ota, raquinta da sia lavur schurnalistica, litterara ed era da ses engaschi politic.

Nus repetin quest purtret radiofonic realisà dal 2015 en memoria a Marcella Maier.

Autur/a: Chatrina Gaudenz