Il Tavulin litterar dals Dis da litteratura a Soloturn

Ils dus cudeschs «Aunc melli stads» ed «Tamangur».
Legenda da maletgs: Ils dus cudeschs «Aunc melli stads» ed «Tamangur». RTR, E. Krättli

Al Tavulin litterar sa scuntran questa giada Clà Riatsch, docent da litteratura rumantscha a l'universitad da Turitg, e l'istoricher e romanist Martin Camenisch. En il center da l'emissiun stattan dus cudeschs da dus auturas rumantschas che prelegian als Dis da litteratura a Soloturn.
Discutà vegn sur da «Aunc melli stads», ina nova collecziun cun poesias da Tresa Rüthers-Seeli e da l'emprim roman da l'autura engiadinaisa Leta Semadeni che porta il titel «Tamangur» e ch'è scrit en tudestg.
Redacziun e moderaziun: Esther Krättli

Autur/a: RTR/dh