Ils Castelbergs – il passlung gida

La famiglia Castelberg da Rabius ha ina relaziun tut speziala cun il passlung. Igl è quai che collia la famiglia. Oravant tut il bab Thomas e la figlia giuvna Brida.

La mumma Simone, il bab Thomas, la Brida e sia sora Maria.
Legenda da maletgs: La mumma Simone, il bab Thomas, la Brida e sia sora Maria. RTR / Gion Gieri Flepp

Il bab Thomas è l'um che guarda dapi 25 onns, enviern per enviern, ch'i dat ina buna loipa tranter Trun e Mustér. Per el lavur e passiun enina.

Sia figlia Brida (25) ha dapi sia naschientscha in impediment da la vesida. Ella na vesa quasi nagut ed ha uschia adina gì pli grev, saja quai en scola u er en il temp liber. Tut quai n'impedescha dentant betg ella dad ir cun skis e far passlung. 

Ina marella davart ina famiglia cun in mintgadi ch'è mainsvart auter che usità e mainsvart betg simpel. Dentant er davart ina famiglia che sa tegna ensemen sco rascha. 

Autur/a: Gian Carlo Candinas e Gion Gieri Flepp