Ils Grischuns e la Russia

Durant bun 150 onns è la Russia stada in pajais attractiv per emigrants grischuns, cunzunt per pastiziers, martgadants u magisters.

Ils Grischuns en Russia èn era stads perditgas e pertutgads dals tumults ch'han marcà l'imperi al cumenzament dal 20avel tschientaner. 1917 – l'onn da las revoluziuns en Russia: l'emprim quella da favrer (che maina a la fin da la monarchia) e lura quella d'october (nua ch'ils bolschevics prendan la pussanza). Ma gia avant il 1917 era l'imperi da Zar Nikolaj II vegnì zaccudì da chaumas, revoltas e guerras. Questas revoluziuns èn stadas la fin dals onns grass per las fatschentas dals migrants, saja quai per ils Conradis e lur fabrica da tschigulatta u per ils Rischs e lur fabrica da textilias. (repetiziun dal avrigl 2017)

Autur/a: Astrid Alexandre