In inscunter subversiv cun Leonard Cohen

Purtret da Leonard Cohen.
Legenda da maletgs: Leonard Cohen. www.leonardcohen.com

Sia vusch prenda bunamain il flad. Ils texts da sias chanzuns èn grevs da chapir. Il chantadur canadais Leonard Cohen ha accumplì l'onn passà 80 onns ed el è anc adina in maister da l'inscenaziun. El ha ragischs gidieuas e gioga era cun questas. Cun ironia, spiert e scharm reagescha el sin projecziuns, confusiuns ed aspectativas. El resta grev da tschiffar. En la Marella deditgada a Cohen e sias chanzuns, inscuntrain nus era Michael Guggenheimer. Guggenheimer è era gidieu e raquinta da sia identitad cumplexa, da mistificaziuns e sentiments ambivalents.

Quai datti bain er pro nus Rumantschs mistificaziuns e sentiments ambivalents invers l'atgna identitad linguistica e culturala? Renata Coray ha fatg retschertgas da la construcziun d'identitads rumantschas. Ella preschenta ses resultats e persvasa nus che l'ironia ed il spiert sco reacziun sin nossa identitad minoritara n'è betg fitg derasada.

Ina chanzun rumantscha ironica datti però: «Il mariner» dad Arnold Rauch. Arnold Rauch raquinta pertge ch'el ha scrit questa chanzun e co ch'el ha, avant bundant 50 onns, tschiffà fieu per Leonard Cohen.
Redacziun: Chatrina Gaudenz

Autur/a: RTR/df