Ina notg – trais inscunters

Passa 200'000 persunas en Svizra lavuran regularmain durant la notg.

L'equipa da montaders da binaris da la Viafier retica a Tavau vitg.
Legenda da maletgs: L'equipa da montaders da binaris da la Viafier retica a Tavau vitg. RTR / Donat Caduff

Co è quai propi, lavurar lura, cura che la blera glieud dorma? Pon ins insumma sa disar ad in bioritmus sutsur? Nus faschain la prova a l'exempel ed accumpagnain trais persunas, e quai durant in road-trip nocturn davent da la saira fin a la damaun.

Il viadi maina tar il montader da binaris Gian Carlo Derungs, tar la tgirunza d'attempads Manuela Deplazes-Giossi e tar il pasterner Hubert Caduff.

Redacziun: Donat Caduff