Jacques Offenbach – dapli ch'in hallodri musical

Il cumponist tudestg-franzos Jacques Offenbach, naschì avant 200 onns, ha revoluziunà il teater musical.

Jacques Offenbach
Legenda da maletgs: Jacques Offenbach. public domain

Jacques Offenbach, naschì il 1819 a Köln e mort il 1880 a Paris, ha creà in nov gener da teater cun musica e dastga vegnir numnà in scheni ord divers motivs. El era in cumponist cun in sensori extraordinari per il gust dal public e cun in fundus infinit d'ideas musicalas stupentas. Sco nagin auter ha Jacques Offenbach, il maister da la parodia, commentà il spiert dal temp cun in egl critic, ironic e spiertus. Bunamain mintgin enconuscha oz la melodia da ses «Cancan» u da la «Barcarole», savens senza savair che quellas èn ovras dad Offenbach. La Marella sa metta als fastizs da la vita dal grond cumponist e da sia ovra main enconuschenta.

Redacziun: Maria Victoria Haas