«L’uvestg che svanescha en l’uvestgieu»

L'uvestg Vitus Huonder.
Legenda da maletgs: L'uvestg Vitus Huonder. RTR, F. Belotti

L'uvestg da Cuira, Vitus Huonder, polarisescha e quai dapi ch'el è en uffizi. Adina puspè chaschunan ses pleds reacziuns vehementas en la publicitad. L'ultima giada è quai stà il cas questa stad cura che Huonder ha cità en in referat pliras passaschas da la bibla nua che l'omosexualitad vegn chastiada cun la mort.

Il referat en Germania è dentant be in da plirs cas nua che l'uvestg è vegnì crititgà massivamain. L'uvestgieu da Cuira è spartì e las tensiuns èn grondas. La Marella s'avischina al uvestg, a ses maletg da la baselgia, a ses stretg conturn ma era ad el sco persuna. Betg in'emissiun cun l'uvestg Vitus Huonder, mabain in'emissiun sur da l'uvestg dispitaivel.
Redacziun Valentin Schmed

Autur/a: RTR/td