La Péra

Il runal a Campliun dadens Trun è in dals pli pitschens territoris da skis tranter tut ils gronds. In runal da 740 meters, ina ustaria e finì.

In runal nua ils skiunzs han blera fantasia da crear novas pistas.
Legenda da maletgs: In runal nua ils skiunzs han blera fantasia da crear novas pistas. RTR / Esther Berther / Carla Gartmann

Persuenter capita uschiglio ina pluna en la Péra. La fantasia per crear novas pistas è gronda. Davent da pistas da morts, da zombies e da spierts – datti era quellas da muffins e pettas. Uffants pon ir qua cun skis tut persuls, ed ils emploiads fan schizunt viadis da pliras uras per lavurar en quest territori da skis. Sisum spetgan las vatgas e sutvart il café Refugi. La Marella è stada là durant in entir di ed è sa scuntrada cun pitschens e gronds. Insaco paran tuts dad avair ina gronda simpatia per lur Péra.

Laschar ir video «Istorgias dal runal la «Péra» a Trun»

Istorgias dal runal la «Péra» a Trun

1:50 min, RTR Social dals 14.1.2019

Autur/a: Esther Berther