Siglir tar il cuntegn

Header

audio
Il Sennhof a Curia - ina praschun amez la citad.
RTR, Sabrina Bundi
laschar ir. Durada: 38 minutas 41 Secundas.
cuntegn

Leschas, laders e lumpazis – 200 onns Sennhof a Cuira

Co è quai d'abitar sper la praschun, da lavurar en praschun ubain er dad esser en praschun? Il Sennhof or da trais perspectivas – in pèr vischin, in praschunier ed in guardian.

Download

Dapi il 1817 ha il Sennhof a Cuira – ch'è, sco il num tradescha stà a l'entschatta ina chascharia – servì al chantun Grischun sco praschun per delinquentas e delinquents. Ed ina praschun è urgentamain stada necessaria, pertge avant la centralisaziun chastiava mintga vischnanca giudiziala tenor agen manegiar – ubain tenor il manegiar da la uschenumnada Carolina, in cudesch penal che cussegliava tge chasti decretar per tge delict: da la stgavazzada enfin al pal da la vargugna. Gia ils emprims praschuniers dal Sennhof stuevan lavurar, e quai amez la citad – ils vischins duevan vesair tge che capita, sch'ins surpassa la lescha.

Ozendi na vesan ils vischins quasi nagut pli dals delinquents. E ch'il Sennhof sa chatta a l'ur da la citad veglia, è daventà in problem: Il pur da vin che cultivescha las vignas dasperas, po vegnir enfin sin fanestra da la tur, quai na correspunda betg pli a las normas da segirezza.

La Marella va enturn ed en praschun. Co è quai, d'abitar sper la praschun, da lavurar en praschun ubain er dad esser en praschun? Cun in pèr che stat dapi onns gist sper il Sennhof, in guardian, in praschunier ed in istoricher s'avischina la Marella a quest'instituziun grischuna. (Repetiziun dal october 2017)

Dapli da «Marella»

Scrollar a sanestra Scrollar a dretga