Mintgin ha sentì quai in pau auter – mintgin ha reagì sin sia moda e maniera. «Quai tutgava segir betg mai», di Otto Deplazes, e Corsin Sac discurra dad «in`explosiun ord il nagut». Els raquintan dal temp avant – il di da l'infarct e co lur vita è ida vinavant suenter linfarct. Cun il medì Martin Tomaschett avain nus tadlà las istorgias persunalas, ed el declera tge che capita en mintga fasa da quest temp.
Redacziun: Esther Berther