«Nossaistorgia» – cundivider il passà

Parter las memorias ed istorgias che fan pulvra en in tschaler cun in public pli grond. Quai è pussaivel sin la plattafurma digitala e participativa «Nossaistorgia».

Ina reminiscenza - la societad da musica da Pitasch l'onn 1927.
Legenda da maletgs: Ina reminiscenza - la societad da musica da Pitasch l'onn 1927. Nossaistorgia / Hans Cadetg

La Marella declera, tge ch'ins po tut far cun la purschida participativa e preschenta ina u l'autra istorgia interessanta che ha chattà la via sin «Nossaistorgia».

Flurina Huonder, collavuratura da Radiotelevisiun Svizra Rumantscha è stada involvida en il project e declera danunder che l'idea è vegnida e co la plattafurma ch'exista dapi l'october 2017 vesa ora actualmain.

Hans Cadetg è pensiunari ed in rimnader passiunà. El ha in grond inventari da fotografias, documents, scrits e dias che raquintan in toc istorgia da ses vitg d'origin Pitasch. Ina u l'autra da quellas perditgas dal temp ha el era partì cun la communitad sin la pagina da «Nossaistorgia».

Medemamain activ sin la plattafurma è Pascal Werner, manader da fatschenta da la Fundaziun grischuna per la fotografia. El è persvadì che medias socialas e plattafurmas participativas pon avair in effect positiv sch'i va per mantegnair ed augmentar la savida e chapientscha culturala.

Autur/a: Selina Chistell