«Nus vein aunc stizun»

Ina entira sonda ha «La Marella» visità il consum da Surrein e raquinta l'istoriga ord la vita en ina stizun dal vitg.

Il consum dal vitg - lieu da sentupada.
Legenda da maletgs: Il consum dal vitg - lieu da sentupada. RTR / Esther Berther / Carla Gartmann

Capità è bler ed en tutta cas bler che fa simpatic la stizun pitschna – bler che dat in caracter unic ad ella. Jeanette Maissen che maina dapi 17 onns la fatschenta enconuscha ses clients e lur disas – ed els èn disads cun sia moda e maniera. Fidanza e gidar in l'auter, auter na giaja quai betg, è d'udir pliras giadas. Uschia poi era esser ch'ins va en stizun per emprestar spert in auto u telefonescha la saira tard sch'ins dovra anc insatge. Jeanette è flexibla e nuncumplitgada. Ed uschia para era la clientella.

Autur/a: Esther Berther