«Schon puspè in’emissiun sur da feminissem?!»

Ils 14 da zercladur ha lieu ina chauma da dunnas en l'entira Svizra e da tuttas varts aud'ins trasora puspè il pled «feminissem». Ma tge munta quai insumma ozendi? È il feminissem propi anc necessari u è el mo pli ina restanza da cumbats d'avant decennis?

Chauma da dunnas dals 14 da zercladur 1991.
Legenda da maletgs: Chauma da dunnas dals 14 da zercladur 1991. Keystone/grafica RTR

En La Marella raquintan dunnas da 24 enfin 56 onns da lur experientschas cun la tematica. Co defineschan ellas feminissem? Vivan ellas insumma inegualitads en lur mintgadi? E tge manegian ellas – è ina tala chauma da dunnas utila u pura isteria feminina?

Autur/a: Astrid Alexandre