Taufers mida naziun

Avant 100 onns ha la vischnanca da Taufers en il Tirol dal Sid vulì midar tar la Svizra.

Taufers è al cunfin tranter la Svizra ed il Tirol dal Sid.
Legenda da maletgs: Taufers è al cunfin tranter la Svizra ed il Tirol dal Sid. RTR, Tobia Valär

Ils occupants talians eran s'installads en la vischnanca, la populaziun aveva tema da l'avegnir sut il giuf da l'invasur inimi. La dumonda da Taufers è vegnida en in temp difficil era per la Svizra: L'emprima guerra mundiala era gist ida a fin. L'economia è per terra. L'avegnir da l'Europa intscherta.

Tge è vegnì or da quella dumonda? Co ha la Svizra reagì? E tge è restà oz da quella episoda en Val Müstair, al cunfin tranter la Svizra ed il Tirol dal Sid? Tobia Valär è ì suenter a questa dumonda.

Laschar ir video «Tge fiss, sche Tuer/Taufers tutgess dapi 100 onns tar la Svizra?»

Tge fiss, sche Tuer/Taufers tutgess dapi 100 onns tar la Svizra?

3:47 min, Telesguard dals 5.2.2019

Redacziun: Tobia Valär