Tavulin litterar – «La calamita» e «Cuntradas imaginarias»

Al Tavulin litterar sa scuntran questa giada Bettina Vital, romanista ed amatura da cudeschs, e Claudia Knapp, dunna da cultura e cuntadina d'ulivas.

Claudia Knapp e Bettina Vital
Legenda da maletgs: Claudia Knapp e Bettina Vital RTR, Esther Krättli

En il center da l'emissiun stattan dus cudeschs ch'èn vegnids translatads en rumantsch. Discutà vegn sur da la graphic novel «La calamita» da Lucas Harari e «Cuntradas imaginarias» Walter Rosselli.

Sco ina calamita attiran las famusas termas da Val da Peter Zumthor Pierre, il giuven student da Paris, si en las muntognas grischunas.
Pierre vul scuvrir il misteri che lajegia davos las miraglias raffinadas dal bogn.

Cun ligerezza sa mova Walter Rosselli en cuntradas, ma er en la lingua, duas chaussas ch'el collia per sa distrair ed a medem temp per sa far patratgs davart l'ir dal mund.

Autur/a: Esther Krättli, Redacziun: Esther Krättli