Tgi daventa campiun u campiunessa da professiun?

Durant tschintg dis cumbattan passa 900 candidatas e candidats da 75 differentas professiuns als Swiss Skills 2018 per quest titel. RTR accumpogna e tutga adina puspè il puls a tschintg Rumantschas e Rumantschs.

vernischadra d'autos che tatga il logo dals Swiss Skills sin in auto
Legenda da maletgs: 135 proffesiuns sa preschentan als Swiss Skills, en 75 vegn cumbattì per il titel da campiun u campiunessa e las bleras pon er ils aspectaturs empruvar ora. SRF, Severin Nowacki

La Marella speziala, live or dal studio sin l'areal da la Bernexpo a Berna porscha ils highlights, impressiuns e las istorgias dals davos tschintg dis: muments da tensiun, da legria e frustraziun, cun in u l'auter sguard davos las culissas da la pli gronda show da professiuns dal mund.

E per finir dain nus er anc in sguard en l'avegnir: I pudess numnadamain esser ch'i vegn cumbattì als Swiss Skills 2022 en il Grischun per il titel da campiun u campiunessa svizra.

Autur/a: Gion Gieri Flepp, Redacziun: Gion Gieri Flepp / Livio Chistell