Uffants èn l'incumbensa da las mammas

Famiglia u lavur? Dunnas pon ozendi avair omadus. Dentant nua ch'ils uffants èn durant ch'ils geniturs lavuran, tgi che mira dad els e tgi che coordinescha tut ils termins, questa responsabladad giascha anc adina tar las mammas.

Legenda da maletgs: RTR/ Angela Hendry

Durant ch'ils babs lavuran per gronda part vinavant cumplainamain, ston las mammas sa decider per in model: Lavurar cumplain, parzial u forsa schizunt restar a chasa? Tgi che lavura parzialmain desista quest mument da far carriera, e tgi che stat memia ditg a chasa na po betg pli lavurar sin quest nivel sco avant ils uffants. E co è quai cun il perchasa, ed ils termins dals uffants? Quatter mammas dattan in'invista en lur model da viver e da lavurar.

  • Rezia Giger lavura 90% sco ergoterapeuta e manadra da team a Glion
  • Lucia Blumenthal mira da ses dus uffants
  • Flurina Urech Bazell lavura 50% sco scolasta primara e parta la plazza cun ses um
  • Cornelia Degrell lavura 40% sco logopeda

Autur/a: Angela Hendry