Ussa tanschi! – Cura tanschi propi?

Ir en pensiun ditg avant la pensiun – in siemi per blers.

Damian Gliott, expert da finanzas declera tge che è pussibel.
Legenda da maletgs: Damian Gliott, expert da finanzas declera tge che è pussibel. RTR / Esther Berther / Carla Gartmann

Cun 58 onns ha Conny Livers decidì ch'i tanschia. Ella ha vendì la fatschenta, ch'ella aveva ensemen cun ses um, ed è ida en pensiun. Il grond sentiment da libertad, quel na saja dentant betg anc vegnì.

Daniel Tuor, era el ha decidì da sa laschar pensiunar cun 58 onns, betg per far nagut pli, ma per esser avert per autras e novas sfidas. Tgeninas, quai sa dettia lura cun il temp.

Ma cura tanschi propi per ir en la pensiun anticipada? Damian Gliott, expert da finanzas di che adina dapliras persunas vulessan savair, cura ch'ellas pudessan chalar da lavurar. Cun exempels declera el, tge ch'è pussibel e quant ch'i dovra per ch'i tanscha propi.

Autur/a: Esther Berther