Viver cun demenza – esser qua e tuttina lunsch davent

En Svizra vivan bun 151'000 persunas cun ina demenza, e cun mintgina dad ellas èn era members da la famiglia e circuls d'amis confruntads cun questa malsogna. Trends prevesan ch'il dumber da pazients vegnia a sa dublegiar ils proxims 20 onns. Essan nus pinads per quai?

La gronda part da las persunas cun demenza han passa 80 onns
Legenda da maletgs: La gronda part da las persunas cun demenza han passa 80 onns Keystone

E quant savain nus propi da la demenza? Discurr'ins avertamain da questa malsogna u è ella in tabu? En La Marella raquintan trais persunas da lur experientschas cun la demenza: dunna Carma che tgira sia sora, dunna Christa che tgira sia mamma e Thomas Bieler ch'è stà durant 16 onns manader d'ina chasa da tgira.

Autur/a: Astrid Alexandre