Zernez ed il Goa: Ina vischnanca croda or dal ritmus

Quatter dis ad onn dat il festival da musica electronica Burning Mountain il tact a la vischnanca da Zernez. Al festival s'inscuntran var 5'000 persunas da tut il mund per viver la cultura da Goa.

En il stgir para il Burning Mountain in tic sco in mund surreal.
Legenda da maletgs: En il stgir para il Burning Mountain in tic sco in mund surreal. RTR, Fabia Caduff

Il bass dat per quels quatter dis il ritmus. Per l'ina a l'entira vischnanca da Zernez e per l'autra als visitaders dal festival. Tuts che sautan tenor il ritmus da la musica electronica.

Però quai n'è betg stà adina uschia. Al cumenzament dal Burning Mountain, avant sis onns, aveva il festival bittà l'entir vitg dal tuttafatg or dal ritmus. Ma profit, mirveglias e chapientscha han procurà chins ha tuttina chattà, cun ir dals onns, in tact cuminaivel.

Dus munds dal tuttafatg differents s'inscuntran: Conflicts, cuntrasts e culturas. La Marella documentescha las scuntradas e dat in'invista en il mund dal Goa ed ils quatter dis a Zernez.

Laschar ir video «Zernez ed il Goa»

Zernez ed il Goa

0:57 min, dals 25.8.2016

Zernez ed il Goa

Redacziun: Fabia Caduff