Minisguard dals 08.09.2018

Iniziativa da fair-food

Tar nus en Svizra datti cleras leschas per la producziun da nutriment. Quellas garanteschan a nus ina buna qualitad da las vivondas, ma era ina buna vita als animals. Per ils products da l’exteriur na valan quellas leschas dentant betg. L’iniziativa fair-food less midar quai. Nutriment producì fair tuna bain e tuttina n’èn betg tuts da l’idea ch’i dovri quella iniziativa. Il Minisguard mussa ils pros e contras.

2018: In onn cun blera maila – ma pertge?

Quest onn porta la pumera bler dapli maila che auters onns. A Sagogn munta quai blera lavur, il vitg sursilvan ha passa 500 pumers plain maila. Daco datti quest onn uschè blera maila?