Minisguard dals 11.02.2017

La flotta da navs svizra

I dat 50 navs che navigheschan cun la bandiera svizra per transportar rauba sur las mars dal mund. Quai malgrà che la Svizra n’ha gnanc in access direct a la mar. Ils ultims 75 onns era questa flotta da navs svizras finanziada per part dal stadi. Il Minisguard declera pertge che quai duai sa midar quest onn.

Era aviuns survegnan nums

Quest’emna èn a Turitg sin la plazza aviatica vegnids battegiads dus novs aviuns da la societad aviatica Edelweiss. Durant la ceremonia han ils dus eroplans dal tip Airbus A320 survegnì ils nums «Schatzalp» e «Braunwald». Uschia duain questas maschinas purtar ora en il mund duas da las pli bellas destinaziuns svizras. Tgi vegn sin tals nums e pertge battegian ins aviuns? Il Minisguard ha dumandà suenter.