Minisguard dals 11.03.2017

L'ieli magic

El chatt'ins quasi dapertut: en tschigulatta, chips, pizza, dultscharias, products da lavar, schampo e schizunt diesel: l'ieli da palmas. 85 % da quest ieli vegn da l’Indonesia e da la Malaisia. Gia dapi onns engrondescha l'Indonesia sias plantaschas, e quai, sin donn e cust dal guaud tropic. Orangutans perdan lur ambient da viver, umans moran entras tissis dal fim che vegn dals gronds incendis en ils guauds tropics. Il Minisguard declera il problem e mussa pertge che l’ieli da palmas è quasi cuntegnì en tut.

Dar gieus: digital, analog u omadus?

Tar las bleras famiglias datti smartphones e tablets, ed uschia vegn era pli savens dà gieus cun quests apparats. Ils gieus analogs cun chartas u ils gieus da tavla ch’ins dat en cuminanza cun auters enturn maisa-cuschina n’èn dentant anc adina betg ord moda. Il Minisguard visita ina famiglia che dat savens gieus analogs. Ma era tar questa famiglia èn ils gieus digitals preschents. Cura èsi pli interessant da dar gieus da cuminanza e cura pli interessant da dar gieus senza electronica? Il Minisguard tschertga respostas.