Minisguard dals 13.10.2018

La midada dal clima

Quest'emna è vegnì preschentà in nov rapport dal cussegl mundial dal clima IPCC. Tenor quel sto il mund reducir dramaticamain la producziun da CO2. Ma nua è il problem, sche noss mund daventa in zic pli chaud e daco dovri grondas midadas per evitar quai?

Tge consequenzas ha quai per nossa natira en il Grischun?

Tar midadas da clima vegnan adina numnads ils glatschers sco exempel. Dentant era il guaud sa mida tras las temperaturas pli chaudas. Tschertas chaussas èn positivas, autras betg. Il Minisguard va en tschertga da midaments climatics en il guaud en l'Engiadina Bassa.