Minisguard dals 16.02.2019

L’urs da glatsch e ses territori da viver

En las ultimas emnas han plirs urs da glatsch visità in lieu en il nord da la Russia e tementà ils abitants. Ils urs en a la tschertga da pavel ed han chattà quel sin las deponias da rument dal lieu.

Il Minisguard declera, pertge che quai è ina consequenza da la midada dal clima e co che il territori da viver dals urs da glatsch sa mida.

«Jau vi daventar moderatura»

En la scola secundara da la Turgoviana Chiara Gimber datti in project nua che scolaras e scolars duain emprender insatge auter sper la scola. Mintga scolar duai chattar insatge ch’el vul emprender. Per Chiara Gimber era quai svelt cler. Ella vul emprender rumantsch e va perquai dus emnas a Mustér a scola. Daco? Ella vul daventar moderatura da televisiun e vul discurrer tut las linguas naziunalas. Nus giain a far ina visita a la dunna giuvna cun ina clera finamira en scola a Muster.