Minisguard dals 16.09.2017

Foodwaste ed ina organisaziun che cumbatta quai

Ils Svizzers dismettan mintg’onn passa 2 milliuns tonnas mangiativas ch'ins pudess atgnamain anc mangiar. Per exempel capita quai cun verdura en stizun che na sa betg pli vegnir vendida. Il Minisguard ha visità l'organisaziun «Tischlein deck dich» e mussa, co els vulan cumbatter il foodwaste en Svizra.

Ils Rohingya sin la fugia

Ils Rohingya èn in pievel minoritar en il pajais da Myanmar. Ina minoritad èn els, perquai ch’els èn muslims ed il rest dal pajais è budistic. E quai è era il motiv daco ch’els vegnan persequitads e schizunt mazzads. Ussa èn tschientmilli dad els sin la fugia. Il Minisguard declera la situaziun.

Oceana Galmarini