Minisguard dals 18.03.2017

Luca Tavasci fa passlung cun be in maun

Luca Tavasci ha 23 onns e deriva da Samedan. El n'ha dapi la naschientscha nagin maun sanester. Quai n’impedescha però betg el da far passlung. El è entaifer curt temp daventà fitg bun en passlung e po uss ir per la squadra naziunala svizra a cursas internaziunalas. Minisguard ha visità el durant in trenament.

Schuldada Svizra en il Cosovo

Suenter la guerra en la Jugoslavia ha la Svizra sustegnì il Cosovo cun truppas da pasch. Dapi 18 onns èn noss schuldads gia en il Cosovo. Quest’emna ha il parlament svizzer decis da prolungar il servetsch Swisscoy en il Cosovo per trais onns. Dentant betg cun 230 persunas sco enfin ussa, mabain cun be pli 160. Nus declerain en il Minisguard, tge ch'il Swisscoy è e pertge che la Svizra gioga uschè ina rolla impurtanta en il Cosovo.