Minisguard dals 22.10.2016

Livio e sia maschina da cursa

Spertadad e canera, perquai ha Livio cumenzà ses hobi. El fa cursas da moped. Cun ses 14 onns fa el rundas sin pistas da cursa. Spezial - al «Mofa-Cup» cuntanschan ils mopeds spertadads d'enfin 70 km/h. Il Minisguard ha visità Livio Flütsch ed ha discurrì cun el davart ses hobi.

La liberaziun da Mossul

Quest’emna è la citad iracaisa Mossul en il focus da las novitads. Differentas gruppaziuns emprovan da liberar la citad ord la controlla da l'uschenumnà IS. Il Minisguard declera tgi che cumbatta per cuntanscher la pasch a Mossul.