Minisguard dals 30.09.2017

Concurrenzas da balluns d’aria chauda

Cursas e concurrenzas han normalmain da far cun sveltezza. Ma Samuel Juon e ses team na fan betg cursas normalas. Els sa participeschan a concurrenzas da balluns d’aria chauda. Co che quai funcziuna tar cursas cun balluns ha el tradì a nus durant in sgol.

La Catalugna vul l'independenza

La Catalugna duai votar davart l'independenza il prim d’october. Quai vulan ils separatists catalans. Suenter onns da cumbat e demonstraziuns per libertad, vulan els lur agen stadi. Mo Madrid, il center da la regenza spagnola, vul scumandar quai. Il Minisguard declera pertge ch'il giavisch da l'independenza è uschè ferm.

Daniela Derungs