Minisguard dals 30.12.2017

In Minisguard tut alv

Quest onn è ella vegnida baud, la naiv. Per ils fans da sport d’enviern in plaschair e per la selvaschina plitost in sforz supplementar. En la davosa emissiun da l’onn è il Minisguard dal tuttafatg en la naiv. Nus accumpagnain la biologa da selvaschina Seraina Campell Andri tras il guaud dal Parc Naziunal Svizzer per chattar ora quant stressads ch'ils animals selvadis èn.

En pli faschain nus il viadi a chasa suenter scola cun la famiglia Pedroni. Lur viadi da Malögia enfin Isola fan els cun skis da passlung. Co che lur skis ruschnan e pertge ch’i dat naiv mussain nus tut en il Minisguard.

Mirco Manetsch