1000 vuschs al Festival svizzer per chors d'uffants e giuvenils

Logo dal Festival svizzer per chors d’uffants e giuvenils SKJF.
Legenda da maletgs: Logo dal Festival svizzer per chors d’uffants e giuvenils SKJF. mad

Dals 14 fin ils 17 da matg ha gì lieu a Mustér il 5avel Festival svizzer per chors d'uffants e giuvenils. Cun 36 chors da tut las regiuns svizras, cun totalmain 1000 giuvenils ch'èn s'entupads a Mustér - per amur dal chant! Els han vivì in'experientscha nunemblidaivla! En «Noss chors» udis Vus questa giada il concert ch'il Chor svizzer da giuvenils ha dà il venderdi en la baselgia claustrala. Il chor vegn dirigì dad Andreas Felber e da Dominique Tille. L'emna proxima savais vus tadlar en «Noss chors», co ils chors grischuns han intgantà il public a chaschun da lur concerts.
Redacziun: Rosvita Barenius

Autur/a: RTR/td