A lieus, vals e pievels

Oz sa refereschan «Noss chors» a las bleras valladas e lieus dal Grischun e lur abitants.

La Val Lumnezia cuvrida da nivlas.
Legenda da maletgs: La Val Lumnezia cuvrida da nivlas. Keystone

Oz van «Noss chors» sin in viadi atras l'entir Grischun. Els sa ferman en differents lieus. Saja quai cun far ina curta visita en Val Lumnezia e contemplar las scleridas dal sulegl, sa fermar en il «pign Sevgein» en Surselva, far in paus e baiver in punsch chaud sin mises a Cuira ubain cuntinuar il viadi en l'Engiadina e giudair la survista sin il «Piz Uter».

Autur/a: Laura Giger