Gion Duno Simeon (1906 – 2000)

Precis avant 110 onns è Gion Duno Simeon naschì. «Noss chors» as regorda dal cumponist e dirigent e preschenta chanzuns or da la plima dal renumà Surmiran.

Purtret da Gion Duno Simeon
Legenda da maletgs: Gion Duno Simeon RTR

Oz ans regurdain nus d'in grond Surmiran: Gion Duno Simeon, naschì ils 30 d'avust avant 110 onns. El n'ha betg mo cumponì radund 150 chanzuns e dirigì differents chors. El è medemamain era stà in grond cumbattant per la lingua rumantscha – en spezial per il surmiran. Vus pudais tadlar tuns originals da Gion Duno Simeon or da l'archiv da RTR, accumpagnà da sias cumposiziuns.

Redacziun: Gion Dominic Pohle