Pled sin via dals 25-12-2016 cun Cornelia Camichel Bromeis

«Manar glisch en la stgiraglia», quai è en noss temp ina metafra per Nadal

Polluziun tras glisch – enturn 80 % da la populaziun dal mund è pertutgada d’ella. Nus illuminain pli e pli la notg empè da sclerir nossas vias e vitas, i para che nus perdian adina dapli l’orientaziun. Nossa surabundanza da glisch para er da dominar nossa vista da la stgiraglia. Il stgir è occupa negativ. Cumbatter cunter insatge che n’è betg definì ans fa tema. E quai n'ans maina betg la pasch bramada. La metafra «manar glisch en la stgiraglia» per Nadal ha ozendi insatge ambivalent. «Nadal» deriva da nascher. Nova vita nascha or dal stgir. Quai è Nadal, la sontga notg.

RTR/td