75 onns Dumeng Giovanoli – Dumeng il skiunz

La fin dals onns sessanta era Dumeng Giovanoli in dals gronds dal sport da skis.

Purtret da Dumeng Giovanoli.
Legenda da maletgs: Dumeng Giovanoli. RTR, R. Dobler

Sin las pistas sa duellava Dumeng Giovanoli da Segl cun Jean-Claude Killy e cun Karl Schranz. Ina ferida ha dentant terminà la carriera da «Dumeng il skiunz». Suenter sia carriera sco sportist è Giovanoli turnà a sia professiun sco cuschinunz. Blers onns ha el beneventà giasts en l'otel Privata, el ha dà scola da skis, era directur da cura e schef dal maraton da skis.

Ils 23 da schaner festivescha Dumeng Giovanoli ses 75avel anniversari. En il «Profil» dal Radio Rumantsch raquinta el tranter auter dal slalom olimpic, da la tratga «muntanella a la Dumeng» e da passlunghists che levan cugliunar.

Redacziun: Roman Dobler