Adolf Albrecht: «Martgadar è vegnì dà a mai en nana»

Gia sco giuvenot ha el entschet a far il cumiss per rauba da taila e launa da la fabrica da Sennwald. Quai sper far da pur e martgadant da muvel, ensemen cun ses bab.

Adolf Albrecht
Legenda da maletgs: Adolf Albrecht RTR, Linus Livers

«La maridaglia cun l'Annamaria, naschida Berther, è stada per mai in grond cletg», di el. Ella è stada il pol ruassaivel e mo cun ella haja el savì realisar la fatschenta da «Mobiglias Albrecht».

Or dal cumiss da rauba è uschia daventà l'um da fatschenta cun success. Vender e cumprar è restà sia domena. Perfin las mobiglias vendeva el sin viadi isch tar isch. Gia ses bab aveva ditg ad el: «Da vender gudognan ins pli spert che da lavurar».

Autur/a: Linus Livers