Annetta Bundi: «Nus na faschain nagina propaganda»

10 onns è Annetta Bundi (47) stada la pledadra da medias da la cussegliera federala Doris Leuthard.

Annetta Bundi.
Legenda da maletgs: Annetta Bundi. RTR, Adrian Camartin

Sco vicemanadra dal servetsch d'infurmaziun dal UVEK ha Annetta Bundi accumpagnà la magistrata sin viadis e podis, e cusseglià ella en dumondas da la communicaziun.

«Jau hai pudì emprender bler ed jau hai vesì quai adina sco ina enorma schanza dad esser fitg datiers da la politica a Berna, nua ch'ins ha pudì avair invista en projects da l'entschatta enfin la fin.»

La fin da december ha Doris Leuthard bandunà la regenza e Simonetta Sommaruga ha surpiglià l'UVEK. Per nus raschun da discutar cun Annetta Bundi da ses temp cun la cussegliera federala Leuthard, davart sia lavur en la sumbriva e la via che ha manà ella en il center da la politica svizra.

Redacziun: Adrian Camartin